Demokratike ka akuzuar ditën e sotme deputetin e PS-së, Sadri Abazin, se ka marrë në total 12 mld lekë nga institucione dhe bashki të majta në vend.
Sipas zëdhënëses Ina Zhupa, kjo është bërë me urdhër të Ramës. Zhupa renditi një sërë institucionesh që kanë dhënë shuma të ndryshme për deputetin Abazi.
DEKLARATA
Ka një angazhim total të institucioneve, ministrive e bashkive të Edi Ramës për të dhënë miliona për Sadriun. 12 miliardë lekë ka marrë për një vit, një shumë që do të mjaftonte si pagesë papunësie për 15 mijë familje në Dibër.
Ja disa nga dorovitjet, për një vit;
OSHE, 940 milionë lekë për Sadriun
Ministria e Mirëqënies, 440 milionë lekë
Drejtoria e rrugëve, 562 milionë lekë
Bashkia Kavajë, 1 miliardë e 390 milionë lekë
Bashkia Patos, 120 milionë lekë
Bashkia Peqin, 180 milionë lekë
Bashkia Pukë, 230 milionë lekë
Bashkia Librazhd, 84 milionë lekë
Bashkia Librazhd, 480 milionë lekë
Bashkia Tiranë, 1 miliardë e 840 milionë lekë
Bashkia Dibër, 870 milionë lekë
Bashkia Dibër sërish, 1 miliardë e 720 milionë lekë
Sërish Bashkia Dibër, 780 milionë lekë
Në të gjitha rastet, oligarku i Ramës paraqitet me ofertën më të lartë. Merr gjithë fondin e vënë në dispozicion. Nuk ka garë, kushdo që paraqitet përballë tij skualifikohet. Shumë prej tyre Sadriu i kap si operator i vetëm.
Vetëm në Dibër për një vit Sadriu ka marrë 3 miliardë lekë, pra ka marrë të gjithë buxhetin e Bashkisë.
Merr paratë e dibranëve, dhe shkon sot atje për tu marrë dhe votën, për ta blerë atë ku të mundet sepse ai është i përbuzur nga cdo dibran.
Kjo është fatura e korrupsionit e Edi Ramës me Sadriun e tij vetëm për një vit.
Se kjo është skema e tij; pasuritë dhe paratë e shqiptarëve për vete, ndërsa për popullin, burgun, varfërinë dhe emigracionin.
Ky sundim oligarkësh do të bjerë shumë shpejt. Dibra do të clirohet e para me 11 shtator, e më pas gjithë vendi.
Shqipëria do të jetë më mirë pa hajdutët e Ramës.
Shqipëria do të jetë më mirë pa Edi Ramën
