TIRANE- Vërejtjet e Komisionit të Venecias për reformën në drejtësi ambasadori amerikan Donald Lu ia ka dorëzuar personalisht ish-kryeministrit Berisha dhe kreut të opozitës Lulzim Basha.
Takimin e parë e pati në zyrën e ish kryeministrit Berisha, të cilin e vlerësoi për angazhimin e tij personal në këtë proces të rëndësishëm dhe shprehu bindjen se vërejtjet e sugjerimet e Komisionit të Venecias pasqyrojnë gjerësisht shqetësimet e opozitës.
Nga ana e tij ish- kryeministri Berisha e ka cilësuar dokumentin e Komisionit të Venecias një bazë shumë solide për t’i dhënë vendit reformën më të mirë të drejtësisë. Ai shprehu besimin se opozita, duhet dhe do të qëndrojë e angazhuar me të gjithë potencialin e saj për këtë reformë, e cila duhet të bazohet në parimet themelorë të kushtetutshmërisë, që aq me kopetencë i ka zbërthyer Komisioni i Venecias në vërejtjet e tij.
Në mesditë ambasadori Lu u takua edhe me kreun e opozitës. Pas takimit Lulzim Basha rikonfirmoi angazhimin e Partisë Demokratike dhe ftoi mazhorancën t’i bashkohet përpjekes së PD-së për t’iu përmbajtur rekomandimeve të Venecias.
PD zotohet ti permbahet rekomandimeve ftoj palet e tjera të angazhohen për këtë reformë.
Pak ditë më parë Komisoni i Venecias sugjeroi nje mekanizem me te thjeshte sesa ai i parashikuar per reformen në drejtësi në mënyrë që kompetencat të jenë të qarta. Komisioni kërkoi reduktim të rolit të ministrit të Drejtësisë, në mënyrë që të shmanget ndikimi i ekzekutivit dhe konflikti i interesit, ndërsa tha se nuk është e qartë se çfarë pavarësie do t’i jepet Prokurorit të Përgjithshëm.
