Me prezencën e liderit të opozitës Lulzim Basha, Partia Demokratike ka hapur sot zyrtarisht fushatën elektorale në Dibër.
Në takim ka folur edhe një prej themeluesve të Partisë Demokratike, Besnik Mustafaj, i cili tha se “mashtrimi qeveritar, frika dhe korrupsioni kanë sjellë dëshpërim te shqiptarët”.
Mustafaj shtoi se “Rinia nuk mund të pajtohet me këtë mashtrim. Përmes mashtrimit qeveria do ta zbrazë Shqipërinë nga Rinia dhe do të ketë një Shqipëri me pleq të nënshtruar”.
“Në këto ditë shoh në fytyrat tuaja kthimin e shpresës si në 1990. U shpërndaftë kjo erë e mirë në të gjithë Shqipërinë. Në këtë lum njerëzor që ka vërshuar sot këtu shoh që shumica janë të rinj, janë lulja e rinisë dibrane. Këta djem dhe vajza janë burimi i mrekullueshëm i lindjes së shpresës. Ata nuk mund të pajtohen me dëshpërimin. Rinia nuk mund të pajtohet me dëshpërimin. Dëshpërimin e sjell korrupsioni, frika dhe mashtrimi qeveritar. Rinia nuk mund të pajtohet me këtë mashtrim. Përmes mashtrimit qeveria do ta zbrazë Shqipërinë nga Rinia dhe do të ketë një Shqipëri me pleq të nënshtruar”, tha Mustafaj në nisje të mitingut.
