Partia Demokratike fillon përgatitjet për fushatën e zgjedhjeve të vitit që vjen me ekspertë amerikanë dhe britanikë.
Ekspertët amerikanë dhe britanikë nënvizuan se presin të shohin Sali Berishën si Kryeministër pas zgjedhjeve të 11 Majit të vitit të ardhshëm.
Ron Nehring, drejtues i institutit të lidershipit: Dua të vë theksin tek nevoja për t’i takuar personalisht njerëzit, ashtu siç ka kërkuar në vijimësi lideri i PD, Sali Berisha. Duhet që të keni një mentalitet shumice dhe jo një mentalitet pakice. Zgjedhjet kanë të bëjnë me besimin dhe të ardhmen. Pra, e ardhmja dhe besimi. Ne e krijojmë besimin duke investuar tek marrëdhëniet e ngushta me votuesit.
Peter Smallëood, ekspert i partisë Konservatore britanike: Të rinjtë duhet të luftojnë për idetë e tyre.
Nëse ju takoni njerëzit në Shqipëri, ata të sigurt do votojnë për ju. Ata kanë shumë gjasa që të votojnë për ju vetëm se i keni takuar. Shumica e njerëzve nuk mendojnë gjithë kohën për politikën. Kështu që në momentin që arrini t’i takoni, të bëni përshtypje tek ata, të jepni ide me vlerë, ky është një moment shumë i rëndësishëm. Me kënaqësi do kthehesha dhe të rishoh zotin Berisha si kryeministër.
Këta ekspertë të Institutit për Lidershipin, një think-tank i rëndësishëm konservator me qendër në SHBA, ishin pjesë e trajnimit të të rinjve të Forumit Rinor Demokrat.
Klan News
