TIRANE- Seanca e sotme në parlament do të jetë e ashpër. PD ka dorëzuar dy nisma ligjore të cilat nëse nuk futen në kalendar do të çojnë opozitën drejt protestës në parlament.
Deri më tani opozita e mban të fshehtë “armën” që do të përdorë. Ndërkohë dje pati një zhvillim që opizita e kontensoi. Bëhet fjalë për vetëlargimin e Armando Prengës nga parlamenti deri në daljen e vendimit nga gjykata për të. PD tha se ky është një truk i Ramës për të mos votuar dy draftet e propozuara prej saj.
PD propozoi dje ndryshimin e ligjit të dekriminalizimit, i cili hyri në fuqi pak javë më parë dhe që, sipas përcaktimit ligjor, duhet të nisë nga zbatimi më 6 mars.
Ndryshimi i ligjit nuk përmend emra, por përmban qartë rrethanën, në të cilën u ndalua Armando Prenga, arrest në flagrancë, dhe dy prej veprave penale për të cilat ai akuzohet: “plagosje e lehtë me dashje” dhe “kanosje”.
Po kështu PD-ja ka depozituar edhe ligjin për komisionet hetimore. Në realacion thuhet se: “Në funksion të përmbushjes me efikasitet të funksionit kushtetutues të pakicës parlamentare për kontroll parlamentar, bashkëlidhur ju dërgojmë për shqyrtim dhe miratim projektligjin “Për disa ndryshime në ligjin nr. 8891, datë 2.5.2002 “Për organizimin dhe funksionimin e Komisioneve Hetimore të Kuvendit”, sëbashku me relacionin shoqërues.
