Kryetari i Partisë së Lirisë, Ilir Meta, ka folur pas vendimit të kryekomisionerit , Ilirjan Celibashit për mos regjistrimin e PD së Alibeajt në zgjedhjet e 14 majit.
Gjatë një interviste televizive, Meta tha se nuk ka ndonjë interes për këtë çështje.
“Nuk kam asnjë koment, sepse isha në një takim. Nuk kam asnjë interes të hyj në këto çështje, për mua është e rëndësishme, që shqiptarët më në fund do shkojnë drejt kutive të votimit. Pas 60 ditësh kthehet pluralizmi”, tha Meta.
Ai theksoi se me Berishën e ka firmosur një marrëveshje dhe asaj do t’i qëndrojnë besnik deri në fund.
“Me Berishën e kemi një marrëveshje, është bërë publike. I qëndrojmë asaj marrëveshjeje. Mbështesim kandidatët e primareve. PL është e regjistruar në KQZ dhe ecën e sigurt drejt zgjedhjeve, që do mbahen pas 60 ditësh. Kemi përgatitur listat tona të këshilltareve”, tha ai
