Deputeti demokrat Bardh Spahia deklaroi sot se urdhëri flagrant dhe i paligjshëm i qeverisë për të mbledhur të dhënat personale të qytetarëve pas shkollave është shpërndarë edhe në spitale. Nga selia e PD, ai e denoncoi këtë si skandal që nis nga zyra e Kryeministrit Rama që ka urdhëruar dy ministret Lindita Nikolla dhe Ogerta Manastirlliu tu kërkojnë njerëzve pa asnjë të drejtë, karta identiteti, numra telefoni, e-mail, etj.
Bardh Spahia: Nuk është vetëm Ministria e Arsimit që udhëron marrjen e identetitet. Ministria e Shëndetësisë u ka dërguar një email mjekëve të qendrave shëndetësore ku thuhet “plotësoni të dhënat e pacientëve sipas kërkesës së ardhur nga zyra e Kryeministrit”. Edhe këtu si në shkolla urdhërohet të veprohet me urgjencë: pra të dhënat personale të mblidhen sa më shpejt, brenda këtij muaji. Pika 4 dhe më skandalozja është se marrja e informacione për të gjithë pacientët që kanë marrë shërbim në spitalet e vendit nga janari deri në prill pa dijeninë e tyre.
Partia Demokratike i bën thirrje Komisionerit të Mbrojtjes së të Dhënave Personave të veprojë sa më parë. Prokuroria të mos bëhet palë me heshtjen ndaj këtij skandali, por të nisë hetimet sa më shpejt. Ky skandal buron nga zyrat e Edi Ramës. Me qëllim mbajtjen e pushtetit me çdo formë e mënyrë.
