Opozita do të jetë e para që do të çelë fushatën me një tubim që do të mbahet në Sheshin “Nënë Tereza” në kryeqytet ditën e sotme.
Tv Klan mëson se kësaj radhe do ketë një skenografi krejt ndryshe dhe nga drejtuesi i fushatës Chris LaCivita është menduar që të jetë e njëjtë me atë të Presidentit Trump.
Në hyrje të bulevardit që të çon në Sheshin “Nënë Tereza” do jenë të vendosur 11-të 1-sha që simbolizojnë edhe numrin e koalicionit “Aleanca për Shqipërinë Madhështore” në fletën e votimit.
Do të jenë 3 ekranë LED, njëri në krah të Pallatit të Kongreseve, në kryqëzimin e Presidencës dhe në hyrje të sheshit do të shfaqin historikun e Partisë Demokratike.
Të gjithë kandidatët do të qëndrojnë të ulur në karrige dhe krahas Sali Berishës një fjalë do të ketë edhe drejtuesi i fushatës së tij Chris LaCivita.
“Është i njëjti skenar, sikurse është ndjekur në fushatën e Donald Trump. Strategji e re kjo dhe peshën kryesore do ta mbajë kryedemokrati Sali Berisha dhe drejtuesi i fushatës së tij, Chris LaCivita”, raportoi gazetarja e Tv Klan, Jolldiz Shuaipi.
Tv Klan
