Partia Demokratike akuzon kryetarin e Bashkinë e Tiranës dhe kryetarin e saj se ka shpenzuar 273 milionë lekë për udhëtime jashtë shtetit gjatë vitit 2019.
Zëdhënësja e PD-së, Ina Zhupa ka publikuar në faqen e saj zyrtare në Facebook dokumentet që sipas saj janë nga Drejtoria e Përgjithshme e Thesarit, ku tregohen pagesat e kryera nga bashkia e kryeqytetit për këto udhëtime.
“Për udhëtime jashtë shtetit kanë harxhuar: Me shumë para sesa parashikohen për projektet për rininë ne 2020- vetëm 150 milion lek. Me shume para sesa parashikohen për projektet për gratë ne 2020-vetëm 100 milion lek. Me shume para sesa parashikohen për qytetaret me sëmundje apo paaftësi-vetëm 156 milion leke!”, shkruan Zhupa.
Ajo thekson se Bashkia e Tiranës përllogaritet të shpenzojë rreth 19 mijë euro në muaj për udhëtime jashtë shtetit dhe shton se asnjë përfitim nuk ka ardhur mbrapsht nga këto udhëtime.
Statusi i plotë i Ina Zhupës
Bashkia e Veliajt ka harxhuar 273 milion lekë vetëm për udhëtime jashtë shtetit gjatë vitit 2019! Rreth 19 mije euro çdo muaj shpenzime!
Ja ku kanë shkuar paratë tona për 2019, tek udhëtimet e Veliajt dhe të tijeve nepër botë. Pa llogaritur ketu faturat nga 900 euro nata që ja u paguajne oligarkët që marrin tenderat ne bashki.
Për udhëtime jashtë shtetit kanë harxhuar: Me shumë para sesa parashikohen për projektet per rinine ne 2020- vetem 150 milion lek. Me shume para sesa parashikohen për projektet per grate ne 2020-vetem 100 milion lek. Me shume para sesa parashikohen per qytetaret me semundje apo paaftesi- vetem 156 milion leke!
Veliaj që del cdo dite ne tv sikur është në Titranë, biles edhe në muajn e pushimeve verore, udhëton me shumë edhe se institucioni i Presidentit të Republikes që është institucioni që duhet të na perfaqesoj jashtë vendit!
Po a ju kemi parë hajrin ketu udhëtimeve? A kemi marr fonde, financime për Tiranen? A ka donacione apo ekspertize për Tiranen? Asgjë nga keto, ne kemi parë vetem çmime imagjinare nëpër botë dhe që shoqerohen vetem me buzeqeshje video selfie qe ben kryetari i emëruar i bashkise Tiranë. /Opinion.al
