Një jave nga aksidenti ku u përfshi deputeti Aqif Rakipi dhe mbeti i vdekur një person Partia Demokratike ka reaguar serish. Nëpërmjet një deklarate për median PD shpesh shqetësimin e saj për mosmarrjen e asnjë mase ndaj deputetit Rakipi. Më tej ajo i akuzon Prokurorinë se nuk ka hedhur dritë mbi ngjarjen dhe deputeti Rakipi nuk po hetohet për shkak të lidhjes që ka me kryeministrin Rama. Po ashtu PD i ka kërkuar Rakipit të jap dorëheqjen dhe te shkojë para drejtësisë.
Deklarata e plotë e PD
U bë një javë që deputeti mik i Edi Ramës, Aqif Rakipi, ka ikur nga vendi i ngjarjes ku aksidentoi për vdekje qytetarin Seit Sorra, dhe asnjë masë nuk është marrë ndaj tij. Sipas nenit 273 të Kodit Penal, Aqif Rakipi ka kryer vepër penale me largimin nga vendi i ngjarjes, që dënohet deri në 1 vit burg.
Mirëpo prokuroria ende nuk ka hedhur asnjë hap drejt kësaj çështjeje, dhe deputeti Rakipi po shijon favoret dhe paprekshmerinë qe ia jep lidhja me Edi Ramën. Partia Demokratike i bën thirrje deputetit të heqë dorë nga mandati dhe të shkojë para drejtësisë si qytetar i thjeshtë e të mbajë përgjegjësi para ligjit.
Partia Demokratike i bën thirrje Edi Ramës të tërheqë mbrojtjen speciale qe i jep mikut te tij, e të lejojë hetim të plotë e te pandikuar të ngjarjes. Këto jane rastet kur shihet nëse drejtësia funksionon për të gjithë njësoj, apo për miqtë e kryeministrit ka favorizime dhe paprekshmëri.
