Ministri i ri i Financave Arben Ahmetaj është vënë sërish në qendër të akuzave të demokratëve. Deputeti Sherefedin Shehu publikoi një listë me dhjetëra fluturime çarter, duke thënë se pas tyre fshihen afera korruptive për dhënien e disa konçnesioneve.
Sherefedin Shehu, Deputet i PD-së: “ Një fluturim çarter kushton të paktën 40 mijë euro, dhe me shëtitjet e tij prej sheiku, Ahmetaj ka shpenzuar qindra mijë euro. Ahmetaj është një rast i paprecedent ku një ministër shqiptar bën udhëtime të tilla të dyshimta, në fshehtësi, me luks marramendës. Ky është një rast flagrant abuzimi dhe korrupsioni, dhe Arben Ahmetaj e ka për detyrë të tregojë ku ka shkuar, për çfarë, dhe kush ia ka paguar udhëtimet. A kanë lidhje këto çartera me landfillin e Elbasanit, me aferën Skavica apo me koncesionin e TVSH-së?”
Opozita thotë se Ahmetaj duhet të shkojë përpara drejtësisë. Një ditë më parë ish- Kryeministri Berisha, i kërkoi të dorëhiqet nga posti i Ministrit të Finanacave, për të mos e çuar vendin në destabilitet.
TV Klan
