Doli nga fusha e lojës i mbuluar nga duartrokitjet masive të “Stade de France” dhe nga lotët e gëzimit, pasi shënoi golin e fitores 2-1 për Francën, në ndeshjen e parë të Euro 2016 kundër Rumanisë. Një goditje spektakolare nga jashtë zone i dha mundësinë Dimitri Payet të bëhej heroi për “gjelat” e Didier Deschamps, që falë tij mbajnë gjallë ëndrrën për një europian si protagonistë.
Payet nuk ka qenë titullar në pjesën më të madhe të ndeshjeve të Francës dhe vetëm duke nisur nga muaji mars, trajneri Deschamp e ka futur në planeti e tij. Payet ia shpërbleu me asist dhe gol. Trajneri i “gjelave”, deklaroi: “Ai është një futbollist që di të sulmojë shumë mirë, por edhe të mbrojë futbollin. Na zgjidhi shumë punë në ndeshjen kundër Rumanisë dhe morën tre pikë shumë të rëndësishme të cilat do të na japin mundësinë të punojmë të qetë për ndeshjen e dytë kundër Shqipërisë.”
“Fakti që jam këtu sonte dhe shënova golin e fitores është shpërblimi për një punë të fortë dhe shumë sakrifica që kam bërë gjatë karrierës time, – deklaroi Payet. – Në fillim të sezonit, të jem i sinqertë, nuk e prisja që të isha këtu në ndeshjen e parë të europianit. Presioni ishte shumë i madh, sidomos në fillim të ndeshjes, por unë kisha ardhur për të shijuar këtë ndeshje dhe ëndrrën që po realizoja. Goli i fitores ishte qershia mbi tortë në këtë ditë e paharrueshme. Nuk mendoj se do ta harrojë ndonjëherë këtë të ndodhi sot.”
