Nga Podgorica, presidenti grek Prokopios Pavlopoulos i ka dërguar një mesazh tjetër Shqipërisë, në lidhje me integrimin europian. Pavlopoulos ka thënë se mosrespektimi i minoritetit grek dhe pretendimet për çamët, përbëjnë dy pengesa të pakapërcyeshme për Shqipërinë drejt Bashkimit Europian, duke paralajmëruar kështu se Greqia mund të mbajë një pozicion kundër vendit tonë.
“Greqia nuk e kundërshton perspektivën europiane të Shqipërisë, por sjellje si ato ndaj minoriteti grek përbëjnë një pengesë të pakapërcyeshme për rrugën e Shqipërisë drejt Bashkimit Europian. Një tjetër pengesë lidhet me çdo pretendim të të drejtave të të ashtuquajturëve çamë shqiptarë, të cilët kanë qenë bashkëpunëtorë të pamëshirshëm të nazistëve, siç e ka vërtetuar historia”, ka thënë ai.
Nga Podgorica, ku zhvilloi një vizitë dyditore, presidenti grek ka thënë se nëse Turqia, Maqedonia e Veriut dhe Shqipëria duan një perspektivë europiane, duke të respektojnë kuadrot ligjore europiane dhe ligjet ndërkombëtare. Ai gjithashtu paralajmëroi se marrëveshja e Prespës duhet të zbatohet në mënyrë tërësore, pasi çdo taktikë tjetër politike mund të pengojë rrugën europiane të Maqedonisë së Veriut./Opinion.al
