Ndërkohë që kriza politike që ka mbërthyer vendin nuk po gjen zgjidhje, pasi palët nuk lëvizin nga pozicionet e tyre, Komisioni Qendror i Zgjedhjeve ka nisur procedurat për një tender në lidhje me zgjedhjet lokale.
Kështu ky institucion ka hapur tenderin për prodhimin e dhoma të fshehta dhe kuti kartoni për zgjedhjet lokale të 30 qershorit. Fondi limit që ka KQZ për këtë tender është rreth 9 milionë lekë.
Opozita, e kryesuar nga Partia Demokrati dogji mandatet, një veprim i paprecedentë, ndërsa kërkon një qeveri tranzitore që do ta çonte vendin në zgjedhje të parakohshme parlamentare, duke bërë automatikisht shtyrjen e zgjedhjeve lokale për në periudhën shtator-tetor. Nga ana tjetër kryeministri Edi Rama ka bërë thirrje për dialog, por sipas tij qeveria është legjitime pasi ka marrë votat e qytetarëve./ Opinion.al
