Delli patriotik i kryeministrit duket se u harrua bashkë me notat patriotike që shoqëronin dikur fjalimet dhe qëndrimet e tij.
Këtë e tregon më së miri dhe ngjarja e fundit, vrasja kriminale e katër vjeçarit shqiptar në Maqedoni.
Për këtë akt kaq flagrant dhe të shëmtuar vetëm dy qeveri kanë heshtur. Ajo maqedonase dhe shqiptare.
Ndërsa e para është padyshim pjesë e skenareve të keqtrajtimit të shqiptarëve të Maqedonisë, e pakuptueshme dhe flagrante është heshtja e qeverisë dhe diplomacisë shqiptare.
Edi Rama dhe deklaratat e tij pasionante – patriotike me kryeministrin serb Vuçiç, qëndrimet e tij krenare për çështjen kombëtare ja kanë lënë vendin vasalitetit në emër të fqinjësisë së mirë, një qëndrim thuajse normal i qeverive shqiptare ndaj abuzimeve jo vetëm politike të fqinjëve tanë.
Të njëjtin qëndrim kryeministri shqiptar mbajti dhe ndaj deklaratave shoviniste të përfaqsuesit grek në kuvendin e PBDNJ. Se si mund Edi Rama të pranojë e më pas te shkëmbejë batuta me dikë që deklaron haptas në Tiranë se popullsia çame ka qenë bashkëpunëtore e nazistëve, këtë vetëm kryeministri shqiptar mund ta shpjegojë.
Sikundër heshtja e tij dhe e vasalëve të tij kur vritet barbarisht një fëmijë shqiptar, është shëmtia më e madhe e nje diplomacie që si kulm të saj mund të rendisë dhënien e pasaportave diplomatike futbollistëve të Kombëtares./Opinion.al/
