TIRANE- Demokrati Astrit Patozi, i komenton takimet mes aleatëve të koalicionit qeverisës qesharake dhe poshtëruese. Gjithçka sipas tij flet për një raport të vështirë personal mes Edi Ramës dhe Ilir Metës, ndërsa raportin me publikun e kanë zero, pa transparencë dhe minimum sinqeriteti.
“Raportet e partnerëve të koalicionit qeverisës me njëri-tjetrin por dhe me publikun janë katandisur në qesharake dhe në poshtëruese. Publiku nuk di sot nuk di se për cfarë bien e nuk bien dakord Rama me Metën por sa herë takohen cfarë hanë për darkë dhe sa i buzëqeshin njëri-tjetrit.
Dhe kjo nuk është karakteristike e partive politike serioze europiane, pro karakteristikë e organizate mafioze.
Patozi thotë se Shqipërisë një konflikt i tillë i ashpër i kushton shumë.
“Është poshtëruese edhe për vetë partitë politike, PS dhe LSI që debatin mes e tyre, nëse kanë, e kanë reduktuar tek konflikti apo pajtimi i dy personazheve”, thotë Patozi.
Ndërsa qesharakja e marrëdhënieve Rama-Meta, ai thotë se arriti kulmin të mërkurën, pak orë para darkës mes tyre, me deklaratën antiqeveri të Luan Ramës dhe dhe mohimin e kolegut nga Petrit Vasili.
“Sepse unë nuk mund të besoj kurrë që ka dy LSI: një e Luan Ramës e një e Petrit Vasilit. Ka vetëm një LSI dhe ajo është në rresht e udhëhequr dhe e drejtuar nga Ilir Meta dhe gjithçka ndodh në parti është me porosi dhe urdhër të Ilir Metës.
Dhe kjo e bën akoma më të nderë raprotin në koalicionin qeverisës dhe unë i qendroj bindjes sime që kjo qeveri ka rënë, qoftë dhe për faktin se partnerët e koalicionit janë në marrëdhënie mafioze me njëri-tjetrin.”
Janë rrethana që prej kohësh kanë diktuar domosdoshmërinë e zgjedhjeve të parakohshme, deklaron ai.
“Sinjali për zgjedhje të parakohshme u dha që në deklaratën jashtë çdo logjike politike të Ilir Metës në Skrapar. Që aty vendi duhej të kishte hyrë me shpejtësi në zgjedhje të parakohshme dhe sot duhej të kishim dalë prej tyre. Meqë nuk jemi vend normal prapë se prapë kjo nuk do të thotë se nuk ka shpresë që zgjedhjet e parakohshme të mbahen. Ato janë të domsodoshme qoftë dhe për ata që u rropatën duke u pajtuar apo zënë me njëri-tjterin nëpër dreka darka apo takime tet a tet.”
Por a është opozita shpresë?
“Opozita është gjithmonë e vetmja shpresë. Sado e pakët, sado e paorganizuar apo e papërgatitur të jetë opozita, që nuk është ky rasti, pushteti është i degraduar dhe këto takime dhe marrdhënie qesharake dhe poshtëruese mes dy partnerëve të koalicionit e bën të domodoshme nevojën për zgjedhje të parakohshme”, tha Patozi.
Partia Demokratike po kërkon prej kohësh zgjedhje të parakoshsme të cilat sipas saj duhet të përgatiten nga një qeveri teknike. /abcnews/
