Deputeti Astrit Patozi ka qenë i ashpër në mbledhjen e grupit parlamentar demokrat me ambasadorët e BE dhe SHBA, Romana Vlahutin dhe Donald Lu. Deklarata e tij është mësuar nga burimet pasi mbledhja u zhvillua me dyer të mbyllura.
Deputeti ka nënvizuar faktin se reforma në drejtësi që ndërkombëtarët e kërkojnë me aq ngulm, nuk i jep zgjidhje disa tipareve të kësaj qeverise, siç është kërcënimi i gjyqtarëve, duke sjellë në tryezë para ambasadorëve edhe shembuj konkret.
Pjesë nga fjala e patozit në mbledhje grupi.
Shtroj një pyetje: A është reforma në drejtesi gjëja më e rëndesishme që ka nevojë Shqipëria?
A eshte kjo mrekullia që do ndryshojë situatën?
Personalisht mendoj se vendi ka nevojë për reformë tërësore kushtetuese. Një rithemelim të Republikës, rikonceptim të politikës, një kontratë të re sociale që nis me zgjedhjet.
Ju e pate vetë si ishin ato te fundit dhe reforma në drejtesi të jetë vetem nje kapitull i saj. Po jap dy shembuj të fresket: Dje kryeministri kërcënoi Gjykaten Kushtetuese se dha një vendim kundër tij.
Një tjeter zyrtar i lartë ftoi popullin në proteste tek dyert e Gjykatës Administrative. Kjo është katastrofike dhe këtë nuk e zgjidh dot reforma në drejtësi.
A nuk do te ishte me mire qe investimi i BE dhe USA te ishte ne funksion te kesaj reforme teresore ku drejtesia eshte vetem nje pjese e saj?
Bie dakord me ambasadorin Lu qe jemi ne nje situate te pazakonte qe kerkon veprime te pazakonta. Fatmiresisht, PD ka me pak pergjegjësi për këtë anormalitet ne Shqipëri. Sepse pergjegjesite kryesore i ka mazhoranca Rama dhe Meta.
