Nga Dritan Laci
Tre ishin lajmet që shënuan ditën e sotme interesin madhor publik në portalet e lajmeme. Geti kishte gatuar patate në furrë për Marinën dhe kunatën e tij Luanën dhe Rama do të jetë edhe pas zgjedhjeve të 18 qershorit 2017 kryeministri i Shqipërisë. Për lajmin e parë u gëzova sepse Luana kishte mbetur shumë e kënaqur nga Geti edhe i kishte thënë në vesh Marinës; “Lum ti për burrin që ke, po të kishin edhe pak rigon, patatet e furrës do kishin dalë yll dhe do meritoje edhe një tjetër këngë; Un e nisi ditën me to/Ajo me nutella/ Unë jom mbështjellsi /Ajo osht karamelja”.
Për lajmin e dytë u gëzova edhe më shumë se patatet e furrës së Getit. Sepse lavdi Perëndisë kryeministri Rama do të vazhdojë të jetë kryeministri i vendit deri vitin 2021. Dhe nuk e di pse duhet të shkojmë në zgjedhje kur ky e paska vendosur që do jetë ai kryeministri dhe jo populli. Sigurisht që Rama e meriton të jetë kryeministër edhe për katër vite të tjera. Jo thjesht Rama, sepse ai e ka zët Kultin e Individit dhe bën ç’mos që ta demaskojë duke mbajtur të bllokuar televizorin me referate për të paktën çdo dy orë në ditë, por modeli i tij reformator Rilindës. Modeli që: “Jemi shumë mirë por jemi të pakënaqur”; “Jemi shumë mirë, por duhet të kishim bërë më shumë”; ”Jemi shumë mirë, por po të mos ishin ata politikanët që e çuan Shqipërinë këtu ku jemi, do ishim shumë më mirë”.
Sigurisht që kush nuk do të ndihej i qetë nëse do të shijonte një lajm për tavën e suksesshme me patate të Getit të shoqëruar me reformat mbreslënënëse të kryeministrit Rama dhe faktin që ai do të jetë kryeministri i ardhshëm deri në vitin 2021 më pritshmëri edhe për një mandat të tretë deri në vitin 2025. Pas këtij lajmi që na gëzoi pa masë të gjithëve, urimi që meriton ti japim kryeminitrit tonë është; “Març nga ditët tona” . Madje sugjeroj që ashtu sikundër bëmë si popull me Stalinin në ditët e tij të fundit të jetës, të organizohemi dhe ti dhurojmë kryeministrit Rama, kush e kush sa më shumë ditë nga jeta e tij. Sepse e meriton. Jo thjesht Rama. Por Rilindja. Por lajmi i tretë dhe më befasues që mbetet për tu vërtetuar vjen nga vetë Britania e Madhe. Nga Premier Liga. Aty ku Mourinjo pasi mësoi për sukseset e Rilindjes në Shqipëri, i dëshpëruar për nivelin shumë larg pritshmërive të Paul Pogba, i ka kërkuar Ramës recetën se si ta rilindë futbollistin që i kushtoi 120 milion euro…..Pas popullaritetit që shënuan patatet e furrës së Getit, vlerësimi që Mourinho i ka bërë Rilindjes është një tjetër arsye më shumë për ta shpallur Ramën Kryeministër të Përjetshëm….
