Kryeministri Edi Rama përmes një postimi në Facebook, ka publikuar pamjet nga puna për pastrimin e shtratit të lumit Dunavec të Korçës.
Ai shkruan se ky investim përmirëson kushtet për fermerët, duke ruajtur prodhimin dhe garantuar cilësinë e produkteve. Ndër të tjera ai shtoi se nga kjo pune mbrohen 3,620 ha tokë bujqësore.
“Vijojnë punimet për pastrimin e shtratit të lumit dhe rehabilitimin e argjinaturës për të përmirësuar kullimin dhe mbrojtjen e 3,620 ha tokë bujqësore në Dunavec, Korçë. Ky investim përmirëson kushtet për fermerët, duke ruajtur prodhimin, rritur rendimentin dhe garantuar cilësinë e produkteve #MadeInAlbania në tregun vendas dhe atë ndërkombëtar”, shkruan Rama.
