Pandemia COVID-19 vijon të shkaktojë viktima dhe dëme të mëdha ekonomike në të gjithë botën.
Lidhur me pasojat e rënda që pandemia ka shkaktuar në ekonomi, Argjentina ka vendosur një taksë të re personave më të pasur në vend.
Kjo taksë, e quajtuar “taksë e milionerit”, u miratua me 42 vota pro dhe 26 kundër. Qeveria e Presidentit Alberto Fernandez shpreson të mbledhë 300 miliardë pesos (3.75 miliardë dollarë) nga taksat e milionerëve.
Nga të ardhurat, 20 përqind do të shkojnë për furnizime mjekësore për pandeminë, 20 përqind të tjera për bizneset e vogla dhe të mesme, 15 përqind për zhvillimet shoqërore, 20 përqind për bursat e studentëve dhe 25 përqind për sipërmarrjet në gazin natyror.
Argjentina ka regjistruar deri tani afro 1.5 milion raste dhe pothuajse 40,000 viktima nga Covid. Ku shtet është vendi i pestë në botë që ka raportuar një milion raste në tetor, pavarësisht se ka një popullsi prej rreth 45 milionë banorësh. Ndërkohë, masat izoluese kanë rritur varfërinë dhe kanë zhytur në borxhe qeverinë./ Opinion.al
