Një aksident ka ndodhur mëngjesin e sotëm te mbikalimi i Paskuqanit, ku si pasojë ka humbur jetën një 72-vjeçare.
Aksidenti ka ndodhur teksa dy shtetaset L. S., rreth 72 vjeçe dhe H. M., rreth 66 vjeçe, dyshohet se po kalonin trafikndarësen.
Mësohet se 35-vjeçari është shoqëruar në komisariat, ndërsa shtetasja H.M. e cila është dëmtuar, ndodhet në kujdesin e mjekëve.
“Rreth orës 09:35, te mbikalimi i Paskuqanit, shtetasi R. Q., 35 vjeç, ka përplasur me automjetin që drejtonte, shtetaset L. S., rreth 72 vjeçe dhe H. M., rreth 66 vjeçe, të cilat dyshohet se po kalonin trafikndarësen.
Si pasojë, ka humbur jetën shtetasja L. S. dhe është dëmtuar shtetasja H. M., e cila është në kujdesin e mjekëve.
Drejtuesi i automjetit është shoqëruar në komisariat, për kryerjen e veprimeve të metejshme procedurale, ndërsa grupi hetimor po punon për sqarimin e rrethanave të aksidentit”, njofton policia.
Materialet procedurale iu referuan Prokurorisë së Tiranës, për veprime të mëtejshme./Opinion.al
