Mediat greke bëjnë të njohura detaje të reja mbi ngjarjen e ndodhur dy ditë më parë, kur një shqiptar pasi vrau bashkëshorten greke, u zhduk nga shtëpia me djalin e vogël.
Eshtë organizata “Smile of the Child”, e cila ka vënë alarmin për zhdukjen e fëmijes, duke pohuar se ai ishte në gjendje jo të mirë shëndetësore dhe ka nevojë për ndihmë mjekësore.
Organizata ka shpërndarë fotot e të dyve dhe njofton njofton se ditën e vrasjes së nënës, djali i vogël kishte qenë me temperaturë të lartë.
Kreyetari i Shoqatës “Smile of the Child” Konstantinos Giannopoulos, ka pohuar se 34-vjeçari mund ta dëmtojë edhe djalin në gjendjen në të cilën ndodhet. “Nuk ka shumë informacione dhe është shqetësuese sepse mund të dëmtojë edhe fëmijën dhe veten e tij për shkak se mendja e njeriut në momente të tilla nuk arrin të llogjikojë”,- tha Giannopoulos.
Autoritetet thonë se 34-vjeçari është person i rrezikshëm dhe ndoshta edhe i armatosur. Ai ka një dosje penale në lidhje me akuzat për posedimin e armëve dhe drogës. Policia shpreson se ai nuk do të ketë mundur të largohet nga vendi.
