Detaje të tjera tronditëse dalin në dritë lidhur me ngjarjen tragjike në Greqi, ku rezultoi se 20-vjeçarja, Caroline ishte mbytur nga bashkëshorti i saj pilot.
Vetëm katër ditë pas krimit të rëndë, Charalambos do t’i dedikonte asaj një mesazh në rrjetet sociale me një foto nga dita e tyre e dasmës.
“Bashkë përgjithmonë”, shkruan Charalambos në rrjetin e tij social Instagram pasi me duart e tij i mori jetën Carolines dhe më pas shpiku një skenar të për të shpëtuar.
Një ditë më parë piloti 32-vjeçar, Babis Anagnostopulos u arrestua nga policia greke për vrasjen e bashkëshortes së tij, 20-vjeçares Caroline në sy të foshnjës së tyre. Pas shoqërimit në polici 32-vjeçari ka rrëfyer dhe pranuar vrasjen para hetuesve.
Ka qenë ora biometrike që Carolinë mbante në dorë që tregoi ngritjen dhe uljen e pulsit dhe kohën e saktë të vdekjes së nënës së re.
Sipas të dhënave, rezultoi se ka një mospërputhje mes orarit në të cilin bashkëshorti i Carolines, Charalambos dëshmoi se ndodhi ngjarja dhe orarit ekzakt që zemra e 20-vjeçares rrahu për herë të fundit.
Në të njëjtën kohë, kamerat e sigurisë së banesës regjistruan detajet e fundit të natës kur ndodhi ngjarja. Këto detaje bënë që policia të zbulojë krimin e rëndë që tronditi Greqinë./Opinion.al
