Pas shokut të kaluar më 13 Nëntor gjatë koncertit të tyre në Paris, grupi amerikan “Eagles of Death Metal”, kthehen në kryeqytetin francez. Grupi synon ta vazhdojë aty ku e ka lënë, për shkak të ndërprerjes nga sulmet xhihadiste me kallashnikov.
Koncerti do të mbahet më 16 Shkurt në sallën e teatrit Olympia, ndërsa biletat janë shitur për gjysmë ore nga momenti i njoftimit. Grupi që vazhdon të jetë me koncerte në Europë ka bërë me dije se të mbijetuarit e tragjedisë do të kenë mundësinë të hyjnë falas në këtë koncert.
“Vive la musique, vive la liberté, vive la France, and vive EODM”: (Rroftë muzika, rroftë liria, rroftë Franca dhe rroftë Eagle of Death Metal). Me këto fjalë grupi ka njoftuar hapjen e shitjes së biletave në rrjetin e tyre social, FB.
