Qytetarët kanë reaguar pas thirrjeve të Presidentit Erdogan drejtuar popullit të Turqisë për të dalë në shesh kundër këtij akti të turpshëm ndaj segmenteve të caktuara të ushtrisë.
Ai ka thënë se përgjegjësit e këtij grusht shteti janë një fraksion brenda ushtrisë të cilët nuk janë të autorizuar nga zinxhiri komandues.
Rruga kryesore para Shtabit të Përgjithshëm në Ankara, si dhe sheshi Taksim janë mbushur me mbështetës të Erdogan për të reaguar në emër të demokracisë dhe dinjitetit të kombit.
Drejt aeroportit Ataturk në Stamboll është vënë re se një turmë e madhe njerëzish është drejtuar nga ai në mbështetje të njerëzve që kanë dalë menjëherë pas thirrjes së Presidentit turk.
Erdogan theksoi vetëm pak minuta më parë se Presidenti dhe qeveria e Turqisë të cilët janë zgjedhur në mënyrë demokratike vazhdojnë të jenë në krye të vendit.
Ai tha senuk do të tolerojë përpjekje që duan të minojnë demokracinë në vend.
Mësohet se mbështetës të mëdhenj janë grumbulluar para selisë së partisë së AK-së.
Nga të dhënat e para, raportohet se gjendja është shumë e rrezikuar, por nga minuta në minutë, bëhet me dije se grushti i shtetit duket sikur është zbehur nga sa u duk në çastet e para të tij.
