Takimi i djeshëm mes Edi Ramës dhe Fatos Nanos ndonëse shumë privat nuk arriti t’i shpëtonte vëmendjes së mediave, ndërkohë që Kryeministri Rama ka reaguar për herë të parë lidhur me këtë takim.
Rama i është referuar frazës së Nanos lidhur me qeverisjen e ardhshme, që sipas tij “nuk është çeshtje timoni, por destinacioni”.
“Fatosi pati të drejtë mbrëmë kur tha se nuk është çeshtje timoni, por destinacioni. Ai është dhe shofer i sporovuar, i ka të gjithë ingredientët e nevojshëm të eksperiencës dhe teknikës së dhënies së makinës, për të kuptuar se ky nuk është qëllim në vetvete”, u shpreh Rama, duke mbyllur kështu takimin elektoral në Kavajë.
