Khloe Kardashian i habiti të gjithë pasi vendosi t’i shprehë ndjenjat ish-partnerit të saj, Tristan Thompson në Instagram.
Në një shprehje të publikuar prej saj në Instastory thuhej:
“Pjesa më e trishtë e historisë sonë është se ne mund ta bënim që të funksiononte. Sikur të të interesoja, siç ti më interesoje mua, do të luftoje. Por nuk e bëre. Pra është e qartë, isha e vërtetë kur të thoja në çdo moment se të dua më shumë. Ti gjithmonë e mohoje dhe më thoje se më doje më shumë, por mendoj se tani e kuptojmë….”
Kujtojmë se Khloe dhe Tristan u ndanë së fundmi pas një skandali tradhëtie, me shoqen e ngushtë të familjes së famshme amerikane, Jordyn Woods.
Gjithsesi kjo nuk ishte hera e vetme që ish i dashuri i saj përfshihej në një situatë të tillë, pasi kur Khloe ishte në ditët e fundit të shtatzanisë TMZ publikoi një video të Tristan krah një modeleje, tradhëti të cilën Khloe asokohe e fali, veprim që i kushtoi ndër të tjera humbjen e 1 milion ndjekësve të cilët e gjykuan si një grua pa karakter të fortë dhe krejtësisht të varur nga partneri,/Opinion.al
