Producenti Harvey Weinstein i cili kohëve të fundit është vënë në qenbdër të vëmenjes për shkak të skandalit seksual ka qënë i afërt edhe me ish kreun e Shtëpisë së Bardhë Bill Clinton. Ai i ka ofruar mbështetje financiare dhe morale mikut të tij, Bill Clinton, në kohën kur ky i fundit ishte president i Shteteve të Bashkuara të Amerikës gjatë aferës me Monica Leëinskyn.
Në vitin 1998, kreu i atëhershëm i Shtëpisë së Bardhë u akuzua për aferë seksuale me Leëinskyn, dhe iu desh të dilte para gjykatës.
Në një dokument të siguruar nga in The Washington Post ndodhet edhe emri i Weinstein ndër njerëzit që i kanë ndihmuar Clintonit për shpenzimet e gjykatës.
Producenti, i cili aktualisht është akuzuar nga dhjetëra femra në Hollyëood për përdhunime dhe ngacmime seksuale, ka dhuruar 10.000 dollarë për fondin mbrojtës të ish-presidentit amerikan.
Clinton asokohe ishte 49 vjeç, kurse LeWinsky ishte 22 vjeçe. Presidenti i atëhershëm amerikan shpenzoi 2.2 milionë euro në mbrojtjen e tij dhe mbeti në Shtëpinë e Bardhë, po ashtu pati dhe spekulime se dëshmia e tij ishte e gënjeshtert.
Ndërsa tani është mësuar se njëri nga donatorët për mbrojtjen e Clintonit ka qenë edhe Weinstein.
Kjo ka bërë që producenti i famshëm të krijonte raporte të mira me familjen e presidentit. Në atë kohë, Hillary Clinton kishte marrë pjesë në premierën e filmit “Shakespeare in Love”.
Weinstein e ka ndihmuar edhe Hillaryn. Në vitin 2000, Weinstein kishte organizuar edhe festën e ditëlindjes së Hillaryt dhe kishte grumbulluar fonde për kandidaturën e saj në Senat dhe përpjekjet në garën presidenciale. /Opinion.al
