Pskandalit të dhunës ndaj vogëlushit 3-vjeçar në kopshtin “Diren”, denoncuar nga emisioni “Stop”, vëmendja publike ndaj kopshteve dhe administrimit të tyre shënoi një rritje të ndjeshme.
Ishte pikërisht ky momenti, ku përmes një statusi në FB, deputetja e Partisë Demokratike Majlinda Bregu, denoncoi faktin, që në Raportin e Inspektoriatit Shtetëror te Arsimit pas monitorimit të kryer në periudhën 16- 21 Mars 2015, rezultonin 77 kopshte, që ofronin shërbime pa leje.
I ftuar në emisionin “Opinion”, më 23 Qershor të vitit 2016, Sekretari i Përgjithshëm i Ministrisë së Arsimit dhe Sportit, Plarent Ndrenca, deklaroi se do të bënte publike listën e kopshteve të konstatuara pa leje. Me kërkesë të Opinion.al, Ministria e Arsimit ofron publikisht listën e 21 kopshteve, të cilat tashmë janë mbyllur me gjobë, pas konstatimit për shkelje.
LISTA E KOPSHTEVE TE GJOBITURA DHE MBYLLURA (Nëntor 2015-Janar 2016)
Nr Subjekti Administrator Nr. vendimi Date
1. Lulet e Jetes L. N. 578/ 1 12.11.2015
2. Fllanxa Tërshana F. T. 563/ 1 12.11.2015
3. Tomi Xherri A. P. 592/1 13.11.2015
4. Edi E. P. 579/ 1 12.11.2015
5. Tomas & Friends B. S. 613/ 1 12.11.2015
6. Megi B. M. 611/1 12.11.2015
7. ABC E. P. 599/1 13.11.2015
8. Fluturat B. U. 600/1 13.11.2015
9. Winnie the Pooh R. I. 587/1 1 3.11.2015
10. Arcobaleno F. A. 583/1 13.11.2015
11. Lepurushët E. M. 597/1 13.11.2015
12. 4- Yjet F. Gj. 555/1 13.11.2015
13. Lejla Park E. S. 542/1 12.11.2015
14. Cicërima A. L. 598/1 13.11.2015
15. Sara M. V. 543/1 12.11.2015
16. Anxhokla R. H. 560/1 13.11.2015
17. 3- Yjet B. H. 564/1 12.11.2015
18. Mrekullia E. D. 590/1 12.11.2015
19. Karamelja A. Gj. 572/1 12.11.2015
20. Fluturat E. K. 573/1 12.11.2015
21. Dielli M. Xh. 584/1 12.11.2015
Vendimi perfundimtar per secilin nga keto kopshte eshte:
- Dënim administrativ kryesor:
5 00.000 (pesëqind mije) lekë te rinj
- Dënim administrativ plotësues:
Mbyllje e menjëhershme e veprimtarise
Procesi ka perfunduar ne Janar 2016 per arsye te procedurave ligjore (e drejta ligjore e ankimimit)
“Në vitin 2015 janë evidentuar 77 kopshte pa licencë, nga ku 21 jane mbyllur me gjobë si me sipër, 40 kanë vetëmbyllur aktivitetitn e tyre, pasi nuk plotësuan kushte për licencim dhe 16 kanë marrë licencë”, shkruan Ministria e Arsimit në të dhënat që jep për Opinion.al, por pa pasqyruar listën e 40 kopshteve që tashmë figurojnë si të vetëmbyllur dhe as të atyre që tashmë janë liçencuar.
Pas rastit të dhunës në kopshtin “Diren” me administrator Anjeza Shabani, Ministrja e Arsimit dhe Sporteve Lindita Nikolla, pranoi publikisht se Ministria e ka të pamundur të kontrollojë gjithë kopshtet, ndaj dhe prindërit duhet të kujdesen për kopshtin që zgjedhin për fëmijët e tyre.
Në shënimin për Opinion.al, përfaëqësues të Ministrisë së Arsimit, shkruajnë se : “Kontrolli i terrenit per evidentimin e rasteve te informalitetit eshte detyrë e disa institucioneve: Bashkise, Inspektoratit te Punes, Tatimeve, Shendetesise, Arsimit etj”.
