Rreth dy vite më parë çifti i njohur të showbizit Micheal Buble dhe Lusiana Lopilato kanë kaluar një në momentet më të vështira të jetës së tyre.

Djali i tyre i madh 3-vjeçar u diagnostikua me kancer në mëlçi. I vogli iu nënshtrua disa kimioterapive dhe fatmirësisht ja doli ta kalonte sëmundjen e rëndë. Asokohe Buble dhe bashkëshortja e tij u shkëputën nga çdo gjë për t’i qëndruar pranë të djalit të tyre.

I pyetur nga mediat e huaja nëse do e kishte përballuar  sërish të njëjtën situatë Buble u shpreh që do e kishte shumë të vështirë të kalonte dhe njëherë një traumë të tillë:

“Ne ishim në makinë dje dhe pashë bashkëshorten time dhe i thashë: ‘Do të bëje sërish të njëjtën gjë nga e para?’. Më pas ajo u përgjigj: ‘Patjetër që do ta bëja sërish. Nuk do të doja asgjë ndryshe. Ju jeni lumturia ime më e madhe’”, – ka thënë Michael. Çifti i njohur ka edhe dy fëmijë të tjerë Elias dhe Vida./Xh.K/Opinion.al/