Ambasada e Shteteve të Bashkuara të Amerikës ka rikthyer edhe njëherë vëmendjen te funksionimi i reformës në drejtësi dhe institucioneve që krijohen prej saj.
Në faqen e saj në Facebook, rikujtuar se reforma në drejtësi mbetet fokusi kryesor i ambasadës së SHBA dhe ka risjellë për publikun videot informuese mbi mënyrën se si reforma në drejtësi i shërben qytetarëve, vetingun, gjykatën kushtetuese, SPAK dhe BKH.
Ky postim i ambasadës vjen një ditë pas nisjes së sesionit të ri parlamentar. Gjatë muajt shtator pritet që KED të dërgojë listën me kandidatët për gjykatën Kushtetuese në Kuvend dhe te Presidenti ku secili institucion do të bëjë zgjedhjen e tij. Gjatë shtatorit pritet ngrihet edhe SPAK i cili do të hetojë rastet e korrupsionit për zyrtarët e lartë.
Gjithashtu të premten është paralajmëruar se Presidenti Meta do të thërritet në komisionin e posaçëm në Kuvend për të dhënë dëshminë e tij në lidhje me dekretin e zgjedhjeve të 30 qershorit. / Opinion.al
