Kreu i Komisionit Qendror të Zgjedhjeve, Ilirjan Celibashi gjithashtu ka rekomanduar 11 majin si datë për zgjedhjet parlamentare të 2025-ës.
“Në lidhje me datën e zgjedhjeve, ne si institucion përzgjedhës, e shohim datën 11 maj si datën që i krijon Komisionit Qendror të Zgjedhjeve mundësinë për ta përgatitur procesin e votimit dhe atë nga jashtë në përputhje me të gjitha parashikimet”,-u shpreh Celibashi.
Gjatë fjalës së tij në një prononcim për mediat, Celibashi thekson se KQZ i ka rekomanduar presidentit Begaj datën 11 Maj 2025 për zgjedhjet e ardhshme, ashtu si Partia Socialiste.
“Nxisim Presidentin që data 11 të jetë më e përshtatshmja. Caktimi i datës së zgjedhjeve të ardhshme është e ligjshme dhe përsa kohë që është e ligjshme, ne duhet t’i përgjigjemi. Ne preferojmë dhe e rekomanduam që të jetë data 11 edhe pse kjo kërkesë mund të jetë e përputhur me kërkesën e dikujt tjetër”-tha ai.
