Regjisori Robert Budina komentoi sot deklaratat e kryeministrit Rama se pas protestave tek teatri fshihet krijimi i një partie të re politike. Emrat e lakuar nga kryeministri në lidhje me këtë ishin ato të dy vëllezërve Edmond dhe Robert Budina si edhe presidenti Ilir Meta.
I pyetur në përfundim të protestës së sotme, Edmond Budina tha se këto deklarata kryeministri i bën nga frika. Ai tha se krijimin e një partie të re nuk mund ta vendosin aktivistët dhe ai por vetëm populli.
“Më duket se sheh ëndrra me ankthe ai, se për 20 vite shihte si do e prishte teatrin, këto tani janë frikë e re dhe brockulla që ai i di nga i gjen. Ai ka frikë se e sheh rezistencën qytetare. Për një orë shih sa njerëz që u mblodhën tani. Këta e kanë kthyer atë parlament në tallava, cështje personale. Një parlameënt që merret me thashetheme, vetëm ritmi frenetik i duartrokitjevë të kongreseve të partisë i mungon.
Unë e di që kam qënë anëtar i Partisë së Punës dikur, dhe kjo është zgjedhje personale, por të merret një parlament i tërë me thashetheme më vjen sa për të qarë dhe për të qeshur. Është aktor i dobët (Rama) e pashë dhe mbrëmë. Po e shohin se populli po ngrihet?
Nëse do krijohet parti, atë nuk e vendosim ne por vetë populli. Ne duam të sjellim një mundësi të re, që partitë të mos jenë sekte të mbyllura ku vetëm shefi, kryetari vendos për fatet e popullit, ku shitet e blihet trualli vendit. Jemi këtu për të sjellë një mendësi të re. Jam i bindur që këto protesta do çojnë ujë në mullirin e më të mirës për Shqipërinë. Këta nuk kanë asnjë ndjesi. Ai thotë e kemi zaptuar ne TK, ne kemi që më 24 korrik këtu. Gënjeshtrat e i ka të vetat ai. Atë natë që erdhën për ta prishur në majë kishim vënë Flamurin Kombëtar. Fadromat varrosën Flamurin Kombëtar. Ne kemi video se si dy të rinj e nxorën nga rrënojat atë flamur, kuptoni sa ju intereson këtyre atdheu?!”,- tha Budina. /Opinion.al
