Duket se sot dikush e ka mërzitur Stresin pasi këtë e tregoi edhe në rrjete sociale. Por mediat kanë shkruar se e gjitha kjo mund të lidhet me një prej kolegëve të tij, me Flori Mumajesin.
Kujtojmë që Stresi e ka konsideruar një mik të mirë Florin, por duket se ky i fundit është afruar tepër me Noizyn. Pasi u shfaq me bluza të linjës së veshjeve të Noizyt, Flori nuk ka nguruar ta mbështesë Noizyn në projektet që ai ka publikuar së fundmi, po ashtu komentet nga ana e Noizyt nuk kanë munguar ku ky i fundit e ka konsideruar vëlla.
Por më parë juve kujtoni edhe sherrin Flori-Stine tek “Kënga Magjike”, ku ne mes hyri Stresi për të ndihmuar mikun e tij kantautorin Mumajesi.
“Qen është ai që bëhet si qen, por qeni që është qen është më besnik se ty o qen njeri”, ishte mbishkrimi i reperit tek fotoja ku shihej bashkë me një qen.
Sipas mediave përkrahja e Florit ndaj Noizy-t, ditën e publikimit të këngës se re mund të jetë shenjë që dy çunat e showbiz-it mund të kenë pasur hatërmbetje mes tyre. Kjo nuk i dihet dhe pritet që të merret vesh me kohën, po Stresi dhe Noizy janë njohur në publik për garën e ashpër mes tyre dhe po ashtu kanë thumbuar tepër njëri tjetrin./Opinion.al
