Partia Demokratike i ka nisur një shkresë kryetares së Kuvendit Lindita Nikolla për rikonfikurimin e grupit parlamentar.
Kjo shkresë vjen pas përjashtimit nga partia të disa prej mbështetësve të Sali Berishës.
Përmes një shkrese zyrtare, PD ka vënë në dijeni Kuvendin e Shqipërisë për ndryshimet që kanë ndodhur në grupin parlamentar demokrat pas mbledhjes së 15 janarit 2022.
Sipas dokumentit në janë miratuar ndryshimet:
1-Deputetët Albana Vokshi, Flamur Noka, Luan Baçi dhe Edmond Spaho janë përjashtuar nga Grupi Parlamentar u PD dhe nuk janë më pjesë e këtij grupi quke filluar nga 15 janar 2022.
2-Grupi Parlamentar i PD propozon si nën kryetar të Kuvendit Agron Gjekmarkajn, duke liruar nga detyra Enkelejd Alibeajn.
3-Kryetar i Grupit Parlamentar të PD është zgjedhur Enkelejd Alibeaj, duke liruar nga detyra Alfred Rrushaj.
4-Në komisionet e Përhershme Parlamentare bëhen ndryshime:
Kryetar i Komisionit të Shëndetësisë: Grida Duma, zëvendëson Albana Vokshin.
Kryetar i Komisionit të Arsimit: Flutura Açka, zëvendëson Agron Gjekmarkaj.
Nënkryetar i Komisionit të Ligjeve: Dhurata Çupi , zëvendëson Oerd Bylykbashin.
5-Në përbërjen e Byros së Kuvendit, janë miratuar ndryshimet e mëposhtme:
Sekretariati për Buxhetin: Xhelal Mziu (sekretar), zëvendëson Belind Këlliçin.
Sekretariati për Procedurat, Votimet dhe Etikën: Propozohet si anëtar Bledion Nallbati, lirohet nga detyra Flutura Açka.
Sekretariati për Statusin e Deputetit: Propozohet si Sekretar Dashnor Sula, lirohet nga detyra Grida Duma.
