Pas rrëzimit të pemës së “Vitit të Ri” në qendër të Tiranës dhe disa pemëve në rrugë të tjera në kryeqytet, era e fortë ka bërë që të rrëzohen nga tarracat edhe depozitat e ujit.
Dy ngjarje të tilla raportohen të kenë ndodhur pasditen e sotme në zonën e Komunës së Parisit dhe në Kinostudio.
Teksa prej orësh Tirana është përfshirë nga erëra të forta, këto kanë bërë që depozitat e ujit të tarracat e pallateve të rrëzohen por fatmirësisht nuk kanë shkaktuar të lënduar ose dëme materiale.
Gjatë ditës së sotme era ka fryrë më shpejtësi mesatare 45-50 kilometra në orë dhe ka patur raste kur ka arritur deri në 80 km/h.
Më herët u njoftua se lundrimet nga Durrësi drejt Barit do të shtyhen si pasojë e kushteve të motit. /Opinion.al
