Një ditë pas manifestimit, Presidenti Ilir Meta ka zhvilluar një takim mbrëmjen e sotme me kreun e Partisë Demokratike, Lulzim Basha. Ende nuk ka informacione se çfarë ka diskutuar për rreth një orë kreu i shtetit me liderin e opozitës.
Meta u takua me kreun demokrat edhe para tubimit të së hënës, ndërsa Basha ishte i pranishëm në manifestim, së bashku edhe me kryetaren e Lëvizjes Socialiste për Integrim, Monika Kryemadhi, por nuk mbajtën fjalim.
Mbrëmjen e djeshme, Meta paralajmëroi se nëse dekreti që kthente në Parlament ligjin e betimit për anëtarët e Gjykatës Kushtetuese nuk zbatohet, ai do të shpërndante Parlamentit pas 15 marsit./ Opinion.al
