Pas Komisionit të Ligjeve deputetët e opozitës bllokuan punimet edhe te Komisioni i Shëndetësisë.
Mbledhja ka zgjatur vetëm 4 minuta dhe më pas është ndëprerë.
Komisioni i Shëndetësisë drejtohet nga deputetja e PD-së, Zheni Gjergji, e cila gjatë fjalës së saj u shpreh se deputetët e opozitës ndihen të keqtrajtuar, të dhe të intimiduar për shkakun e vetëm se kërkojnë formimin e komisionin hetimoreve parlamentare.
“Ndjehem e intimiduar si kryetare e këtij komisioni. Nuk është në nderin tuaj që në këto kushte të fillojmë të shqyrtojmë një projekt buxhet i cili do të përcaktojë gjendjen apo të ardhurat, situatën ekonomike në vendin tonë.
Kërkoj që kjo seancë të mos zhvillohet, për arsyen e vetme, intidimidi dhe shkelja e të drejtave të ligjvënësve shqiptarë, Të njerëzve të mandatuar nga populli shqiptar për të qenë në këtë tavolinë. U hasa me një situatë të vështirë edhe me Gardën në hyrje të Komisionit. Kolegët e mi janë këtu për të mbështetur këtë aksion opozitar. Në bazë të këtyre kushteve, të shkeljes flagrante të të drejtave tona ne nuk mund ta zhvillojmë këtë mbledhje dhe unë e deklaroj të mbyllur mbledhjen”, u shpreh ajo.
