Ajo nuk ndalet në artin e saj. Pas diskutimeve të gjata që shkaktoi botimi dhe vlerësimi i librit të saj “Vrima”, Rita Petro na tregon se poezia nuk është i vetmi pasion i saj. Teksa publikon në FB e saj një skicë të një femre nudo shoqëruar nga një poezi, Rita Petro shkruan se të dyja këto krijime i përkasin viteve ’93-94 në Athinë, gjatë kohës që ndiqte kursin e filozofise antike greke, ndërsa vajza në skicë është shoqja e dhomës.
Vizatimin dhe poezine e kam bere kur isha ne Athine (’93-’94) per kursin e filozofise antike greke. (Shoqja ime e dhomes)
Nepërkat e zjarrta
Ti zhvishesh pa teklif
Përpara meje
Meqë dhe unë jam grua,
Por që s’kam guxim të të shoh
Përveçse me bisht të syrit.
Unë dhe ti grua
Ia dimë mirë të fshehtat
Njëra-tjetrës,
Madje dhe vendet e tendosura
Si tela kitare,
Më mirë
Se kushdo burrë qoftë.
Të ftoj mikja ime,
Shëmbëllimi im i përsosur,
Eja të kërcejmë vallen e vdekjes
Mbi kurrizin e demave…
A e ndien si ringjallen
Nepërkat e zjarrta
Brenda trupave tanë?!
Ndërsa burrat
Pasi të munden
Do të na shajnë lesbike.
