Kryetari i Partisë Demokratike, Lulzim Basha, ka reaguar pas letrës së pestë të kryeministrit Edi Rama.
Basha shkruan në “Facebook” se nuk do të ketë asnjë hap pas, ndërsa u bën thirrje qytetarëve që të luftojnë për demokracinë dhe të drejtat e tyre.
Reagimi
Ne jemi Populli i Europës, ne jemi Populli i Lirisë, ne jemi Populli i Demokracisë. Ne jemi njerëz që besojmë në vlera, besojmë tek dinjiteti i njeriut, besojmë tek familja, besojmë tek atdheu.
Demokracinë nuk e japim, të drejtat dhe liritë tona nuk i dorëzojmë. Beteja për to është misioni më i madh dhe më fisnik i njeriut të lirë. Beteja me të keqen, po e çliron dhe fisnikëron shoqërisë dhe kombit tonë.
Forca jonë është bashkimi, forca jonë është qëndresa, forca jonë është përballja deri në fitoren e kësaj beteje për Shqipërinë si gjithë Europa. Asnjë hap pas! #ShqipëriaSiEuropa/ Opinion.al E.Xh.
