Pas përhapjes së lajmeve në media, në lidhje me ndarjen nga jeta të 23-vjeçarit shqiptar në Marsejë ka ardhur reagimi i Ministrisë së Jashtme. Në një deklaratë zyrtare MJ shkruan se djali nuk ka ndërruar jetë, por ndodhet në gjendje të rëndë dhe mbahet ende në jetë falë aparaturave. Sipas të njejtës deklaratë, shkruhet se Florenc Beqiraj ka tentuar vetëvrasjen në burgun e Marsejës dhe më pas është trasnportuar në spital, ku shërbimi konsullor i yni ka qenë në kontakt të vazhdueshëm me autoritetet dhe mjekët që po trajtojnë djalin.
Reagimi i plotë:
Shtetasi shqiptar Florenc Beqiraj, lindur më 27.09.1994, ndodhet që prej datës 15 dhjetor 2017 në spitalin Nord të Marsejës, pavijoni i reanimacionit Léon, në gjendje kome për shkak të mosfunksionimit të pjesës më të madhe të trurit, pothuajse pa asnjë shpresë për të jetuar. Pacienti mbahet në jetë nëpërmjet makinerive të asistencës vitale.
Nga informacionet e deritanishme Sherbimi konsullor pranë Ambasadës tonë në Francë, është informuar nga burime të autoriteteve policore, se kjo situatë ka ardhur si pasojë e një tentative për vetëvrasje (me varje), që shtetasi në fjalë ka kryer gjatë qëndrimit të tij në qendrën e grumbullimit të personave pa dokumente, në Marsejë.
Sidoqoftë, për momentin nuk ka një version zyrtar të ngjarjes, të konfirmuar nga organet hetimore e gjyqësore, duke qenë se hetimet ende nuk kanë përfunduar.
Shërbimi konsullor, që në datën 15 dhjetor 2017,ka qenë në mënyrë të pandërprerë në kontakt me spitalin, familjarët dhe me autoritetet që po merren me hetimet. Dje, pranë pacientit u paraqit i ati. E verteta eshte qe perfaqsia shqiptare ne France ka qene ne kontakt te panderpre me autoritetet Franceze.
Familjarët e djalit nga ana tjetër kanë kërkuar nga mediat të mos përhapin lajme të rreme, duke u shprehur se kanë ende shpresë që djali i tyre do përmirësohet.
Gëzim Beqiraj gjithashtu ka folur sot për Report TV ku tha: Djali mbahet në jetë nëpërmjet aparaturave. Mjekët thonë se zemra e truri nuk i punon. Une e dua te gjalle ashtu sic eshte djalin. Une i kam pare shenjat ne fyt djalit, te telit, por edhe ne dore, nje njeri qe tenton vetevrasjen nuk demton doren. Kjo eshte vrasje profesionistesh, nuk eshte e mundur qe djali te kete tentuar te vrase veten. Ka shenjën e telit në qafë e në dorë. S’është vetëvrasje po vrasje, është përpjekur të shpëtojë. Më mirë të mos ia kishin vënë fare aparaturat e të ma sillnin të vdekur në shtëpi se sa të ma torturonin kështu djalin”.
