Futbollisti i Juventusit, Daniele Rugani ka rezultuar pozitiv në testin për koronavirus. Këtë e konfirmoi mbrëmjen e djeshme edhe vetë klubi në faqen e tij zyrtare.
Më pas ishte vetë qendërmborjtësi i cili me anë të një postimin në rrjetet sociale njoftoi për gjendjen e tij të mirë dhe bëri apel që të gjithë të zbatojnë rregullat.
“Do te këni lexuar lajmet dhe kjo është arsyeja që po shkruaj për të siguruar të gjithë ata që janë shqetësuar për mua se unë jam mirë. U bëj thirrje të gjithëve të rrespektojnë rregullat sepse ky virus nuk bën asnjë dallim. Le ta bëjmë për vetën, për të dashurit tanë dhe për ata që na rrethojnë.”, shkruan Rugani.
Kjo ka bërë që ekipi i Juventusit t’i nënshtrohet karantinës. Këtë ata e kanë njoftuar në faqen e tyre ku shkruajnë se nga ky moment ka filluar edhe zbatimi i rregullores ç’ka nënkupton karantimin e të gjithë skuadrës, por edhe stafit drejtues.
Por kampionët e Italisë nuk janë e vetmja skuadër që do të izolohet. Në fundjave ata luajtën kundër Interit dhe kjo ka bërë që edhe këta të fundit t’i nënshtrohen karantinës. Zikaltërit shkruajnë se pas njoftimit ku Rugani rezultoi me koronavirus skuadra ka marrë masat për të ndjekur rregullat dhe për t’u karantinuar.
Serie A është pezulluar në kuadër të masave të marra nga qeveria Italiane. Megjithatë Juventus parashikohej të luante javën e ardhshme me Lyon, përballje që mesa duket do të shtyhet megjithëse nuk ka ende një njoftim zyrtar nga UEFA.
Mësohet se Cristiano Ronaldo do ta kryejë karantinën nga Portugalia ku ka udhëtuar për ti qëndruar pranë nënës së tij. /Opinion.al
