Pasi përfundoi dëshminë e tij në Prokurorinë e Dhomave Speciale në Hagë, Ramush Haradinaj është kthyer në Kosovë.
Ai ka mbërritur të enjten në orët e mbrëmjes dhe ka lajmëruar se do të nisë nga puna që të nesërmen. Haradinaj ka sqaruar se megjithëse i dorëhequr ai do të vazhdojë “të kryejë detyrat qeverisëse” pasi siç thotë ai “Kosova nuk mund t’i bartë pasojat e vakumit qeverisës”. Më tej ai shton se ata që mund ta cilësojnë si anti-kushtetues vendimin e tij mund ti drejtohen Gjykatës Kushtetuese.
Haradinaj ka shkruar se pafajësinë e tij nuk mund ta vë në pikëpyetje askush dhe thekson se taksa ndaj Serbisë do të hiqet kur të ketë njohje nga ana e saj të shtetit të Kosovës. /Opinion.al
