Kantautori Elton Deda është rebeluar pas koncertit të Alban Skënderajt dhe vëmendjes periferike që sipas tij i kanë kushtuar mediat.
Me anë të një statusi në rrjetet sociale ai ka shprehur indinjatën e tij ndërsa shkruan:
“Gjithçka ordinere që ndodh, histori seksi ose njerëz pa asnjë lloj vlere që bëhen të famshëm brenda ditës, lajme pa kurrfarë brendie, servilizma për përkrahje politike ose futje hundësh nëpër gjëra private të njerëzve…këto i bëjnë më shumë qejf dhe zell. Por askush nuk foli për koncertin e 3 Musketiereve dhe as për koncertin e Albanit, për këtë erë të re që po e gëzon qytetin tonë. Askujt nga mediat tona nuk i intereson kultura dhe gjërat e mira që me aq mundim i bëjmë. Kjo është vërtet për të ardhur keq”, përfundon statusin e tij Deda.
