Pasi ka larguar familjen nga Shqipëria për shkak të disa kërcënimeve të drejtpërdrejta lidhur me punën e tij, Kryeprokurori Adriatik Llalla ka reaguar përmes zyrës së shtypit.
Në një njoftim zyrtar nga Prokuoria e Pergjithshme, bëhet me dije se “institucioni i Prokurorisë vijon normalisht aktivitetin në bazë të ligjit dhe nuk ka asnjë cënim në ecurinë e hetimeve që po zhvillohen në të gjithë strukturat e institucionit”. Pas një dite te zakonshme në zyrën e tij, pak minuta më parë Llalla është larguar për në shtëpi, ku mendohet se ruhet me forca sigurie.
Mesditën e sotme u bë i njohur fakti, se prokurori i Përgjithshëm Adriatik Llalla ka larguar nga Shqipëria bashkëshorten shtatzënë dhe dy fëmijët, për shkak të kërcënimeve të vazhdueshme, që mendohen se vijnë nga grupe kriminale, të lidhura me dosje të rëndësishme qëe prokuroria po heton.
