Para disa vitesh Adrian Gaxhaj dhe Luana Vjollca ishin një nga çiftet më të komentuara të publikut. Ata patën një lidhje të gjatë së bashku, e cila fatkeqësisht nuk zgjati.
Edhe pse ata nuk patën konflikte pas ndarjes, kishte shumë kohë që asnjëri prej tyre nuk kishte folur publikisht për këtë lidhje. Së fundmi, këngëtari Adrian Gaxha ka thyer akullin, i ftuar në emisionin “1 Kafe me Labin”, ku ka folur për herë të parë në lidhje me marrëdhënien e tij me moderatoren e famshme shqiptare.
Gjatë rubrikës 3ND të emisionit, Adrianit i duhej të thoshte tre mendimet e para që do i vinin ndër mend sapo të shikonte foton e Luanës.
Ai është vendosur pak në siklet, por e ka dhënë përgjigjen e tij.
“Sa qenka zbukuruar. Më vjen mirë për sukseset e saj. E treta eksperiencë e veçantë, një prej dashurive të para”, është shprehur këngëtari lidhur me moderatoren.
Siç duket, midis tyre ka mbetur një raport i mirë, ndërkohë që momentalisht, të dy ata janë respektivisht të lidhur.
