Pas Ardian Fullanit, Gjykata Administrative e Apelit vendos ti japë 37 paga mujore Dëshira Subashit, ish-zv/kryetares së KQZ-së.
Subashi fitoi procesin gjyqësor me Këshillin e Lartë të Drejtësisë, i cili duhet të paguajë faturën financiare. Sipas vendimit të gjykatës Subashi do paguhet nga buxheti financiar i KLD, për periudhën kur ajo duhet të ishte anëtare e KQZ.
Dhe më konkretisht pagesat mujore duhet të fillojnë nga 1 janari 2013 deri në 30 janar 2016, kohë kjo kur Dëshira Subashit i përfundonte mandati si anëtare e KQZ, shkruan Shqiptarja.com.
Tre vite më parë Subashi i është drejtuar me një padi gjykatës administrative të Tiranës, duke kërkuar nga KLD që ta rikthente në vendin e punës ku ka qënë, si gjyqtare e Apelit Tiranë.
Dëshira Subashi ka punuar si gjyqtare në Gjykatën e Apelit Tiranë, por pasi iku nga KQZ, KLD-ja nuk e ktheu më në punë. Tashmë ky institucion do ta paguajë për plot 3 vite punë. Të gjitha këto para paguhen nga taksapaguesit shqiptarë.
