Pas deklaratave të Ramës gjatë një interviste televizive, ka reaguar edhe ministri tashmë i shkarkuar i Drejtësisë Ylli Manjani. Pasi e ironizon, lidhur me deklaratën që Rama bëri kur u pyet nëse i ishte kërkuar shkarkimi i Tahirit, ku tha se ai është kryeministri dhe ai vendos nëse duhet të shkarkohet, një deklarat bie në sy. Në mbyllje të reagimit Manjani pohon se ka një ngërç mes PS dhe LSI, gjë të cilën Meta dhe Rama e kanë mohuar. “Koalicionit ende i uroj ‘shërim të shpejtë’”, shkruan Manjani.
Reagimi i plotë i Manjanit.
Kryeministri e konfirmoi sonte në Tonight se nuk e sheh qeverinë si institucion kushetues e ligjor, por si një skuadër që kërcen kur e si do ai.
Parrulla të tipit “qeveria është e imja, penalltine e gjuaj unë” i përkasin vetëm filmave të Realizmit Socialist dhe jo realitetit demokratik! Jo për gjë po “penalltinë” që gjuajti për Hillarinë e humbi! E humbi në kurriz të interesit publik.
Ministri i Drejtësisë është mbrojtës i Kushtetutës dhe Ligjit dhe jo mbledhës topash që lëshon Kryeministri kuturu. Skuadra e Kryeministrit bën më mirë të zbatojë ligjin e të sillet si qeveri sesa të shkojë ashtu siç është në Prokurori!
Të paktën një gjë e mohoi, atë motivacionin qesharak…
Koalicionit ende i uroj “shërim të shpejtë”!/opinion.al
