Ishte një status i trajnerit të Liverpulit, Jurgen Klopp (që më vonë rezultoi si një adresë false) ai që futi në sherr virtual Rike Roçin dhe Eva Muratin. E para ishte pjesë e asaj fotoje në të cilën Klopp shkruante “Ja përse do na mungojë Shqipëria në këtë Botëror, ndërsa e dyta, e fyer nga një deklaratë e tillë, e ndau me të gjithë shqetësimin duke thënë se nuk dinte nëse duhet ta merrte si kompliment apo si fyerje këtë.
Kaq u desh që fansat e dy bukurosheve të ndiznin sherrin. Rikes ia dërguan shpejt mesazhet dhe fotot me statuset e Evës, ndaj ajo nuk e bëri të gjatë, por iu kthye moderatores duke i thënë se, pa dyshim, ajo që ishte shkruar nga Klopp ishte kompliment. Rikja, gjithashtu e këshillonte Evën të ishte më pozitive për t’i parë e pranuar gjërat e bukura.
Por Eva, nga ana e saj, të gjithë këtë e ka parë më thellë se një gjë e bukur. Natyrisht, duke qenë edhe vetë një vajzë e bukur, ajo pa dyshim, që e vlerëson këtë kompliment, por më shumë se kaq, Eva shqetësohej me faktin që një status i tillë anashkalonte vlerat e tjera të skuadrës sonë kombëtare, të futbollit e futbollistëve tanë, por edhe vlerat tona si komb.
Për këtë, të dyja bashkë, meqenëse u gjendën në të njëjtën studio, u përballën, më në fund, për të sqaruar atë që u bë sebep sherri ditët e fundit në portale.
Me “ndërmjetësimin” e Ervin Kurtit, vajzat, të gjendura ngushtë, thanë se njëra-tjetrën nuk e kishin njohur më parë. Eva, as që e dinte se Rikja ishte personazh para se të konsiderohej tifozja seksi: “Tani mund ta sqarojmë si është e vërteta. Për të thënë të vërtetën dhe për t’u treguar e sinqertë, unë Riken nuk e njihja fare. Në fakt, kjo histori na bëri edhe që të njihemi. Nëse do ta dija që Rikja ishte vajzë e famshme, nuk do ta nisja fare si muhabet, nuk do reagoja fare. Por në atë foto, që ishte një adresë false e Klopp-it, unë u ndieva e fyer nga dy gjëra. E para, ishte një koment jashtëzakonsiht seksist, që do të thoshte se gocat shqiptare janë vetëm të bukura dhe vetëm për këtë i duhen Botërorit (nuk ishte shkruar kjo gjë, këtë po e thua ti – ia ktheu Rikja aty për aty). Kjo ishte ajo se çfarë kuptohej dhe për ta vazhduar më tej, ishte një fyerje e simboleve shqiptare, ashtu siç e kuptova unë. Ne, si popull, si skuadër, nuk kemi asnjë lloj vlere, përveç vlerës së bukurisë së femrave… “ – vazhdoi Eva e bindur në mendimin e saj.
Por Rikja, nga ana tjetër, pas komplimentit live që i bëri Evës, nuk ia kurseu edhe sinqeritetin: “Ajo që do të them është që live je shumë e mirë, por nga mbrapa je pak e ligë, sepse disa fansa më kanë çuar mesazhe që ke folur keq, që mund të t’i tregoj më vonë” – i tha ajo dhe pasi dëgjoi argumetet e Evës, tha se nuk ka koment: “Nuk kam çfarë të them, nuk jam dakord, por është mendimi i saj, e paska marrë shumë seriozisht.”
Në fund, pa më të voglin peng dhe pa më të voglën mëri, Eva dhe Rikja i dhanë dorën njëra-tjetrës duke theksuar se nuk kanë arsye të zihen e të urrehen, por në pozicionet e tyre, në fakt, secila ka të drejtë./opinion.al
