Pas tre dekadash Real Sociedad fitoi kupën e mbretit në Spanjë. Suksesi, pas 34 vitesh i Real Sociedad ndaj Athletic Bilbao erdhi me një 11-metërsh nga Mikel Oyarzabal.
Në “Estadio de la Cartuja” ndeshja ishte me shumë ritëm nga të dyja palët, edhe pse shkallët e impiantit ishin bosh. Lojtarët e Sociedad gjithsesi e mbushën me festën e tyre.
Nga ana tjetër Athletic Bilbao doli me humbje, por dhe me shpresë nga kjo ndeshje, pasi janë kualifikuar dhe pas 2 javësh do të luajnë sërish finalen e kupës së mbretit por për sezonin e sivjetshëm 2020-2021, kundërshtar do të kenë Barcelonën.
